Rais Kikwete atoa zawadi ya Iddi el Fitri

Rais Jakaya Kikwete

Na Magreth Kinabo – maelezo

RAIS Jakaya Kikwete ametoa msaada wa vyakula ikiwa zawadi ya sikukuu ya Idd EL Fitri kwa vituo mbalimbali vya watoto yatima, wazee wasiojiweza na watu wenye ulemavu wenye thamani ya sh. 7,420,000.

Msaada huo umetolewa leo na Kamishna Msaidizi wa Huduma za Wazee na Walemavu, Beatrice Fungamo kwa niaba ya Rais Kikwete kwenye  mahabusu ya watoto iliyopo Upanga mkabala na hospitali ya Regency jijini Dares Salaam.

 Vituo viliyopewa zawadi hiyo ni Makao Makuu ya Taifa ya watoto yatima Kurasini chenye jumla ya watoto 115, ambacho kimepewa mbuzi wanne, mchele kilo 150 na mafuta ya kula lita 30, mkazi ya wazee wasiojiweza Nunge, Kigamboni   yenye wazee 127, mbuzi wanne, mchele kilo 150 na mafuta ya kula lita 30, Chuo cha watu wenye ulemavu Yombo,Temeke chenye wakazi 84 mbuzi wawili, mchele kilo 100 na mafuta ya kula lita 20.

Vituo vingine ni Makao ya watoto yatima Mburahati, Kinondoni, chenye watoto 43, mbuzi mmoja, mchele kilo 50 na mafuta ya kula lita 10,makazi ya  wazee wasiojiweza Msimbazi chenye jumla ya watoto 15, mbuzi mmoja, mchele kilo 50 na mafuta ya kula lita 10, kituo cha watoto Help 2kid ,Kinondoni  mbuzi mmoja, mchele kilo 50 na mafuta ya kula lita 10, kituo cha  Daral Arqum,Temeke chenye watoto 90 mbuzi watatu , mchele kilo 100 na mafuta ya kula lita 20, mahabusu ya watoto Arusha Mjini yenye watoto 69 mbuzi wawili , mchele kilo 100 na mafuta ya kula lita 20 na mahabusu ya watoto Moshi Mjini yenye jumla ya wakazi 60 mbuzi wawili , mchele kilo 100 na mafuta ya kula lita 20.

 Kamishna   huyo alivitaja vituo vingine kuwa ni mahabusu ya watoto Mwanjelwa,Mbeya Mjini  yenye watoto 65 mbuzi wawili , mchele kilo 100 na mafuta ya kula lita 20, shule ya Maadilisho Irambo yenye watoto 98 mbuzi watatu, mchele kilo 100 na mafuta ya kula lita 30 na Makazi ya wazee wasiojiweza Fungafunga yenye jumla ya wakazi 61 mbuzi wawili  mchele kilo 100 na mafuta ya kula lita 20 mahabusu ya watoto Tanga mjini yenye jumla ya watoto 60 mbuzi wawili , mchele kilo 100 na mafuta ya kula lita 20.

Vituo vingine ni Mabaoni,Chachake- Pemba ambavyo vimepata mbuzi wawili, mchele kilo 100 na mafuta ya kula lita 20 kila kimoja na makazi ya sebleni ,Unguja yenye watoto 90 mbuzi watatu mchele kilo 150 na mafuta ya kula lita 40.