HOSPITALI YA TAIFA YA MUHIMBILI KUANZISHA HOSPITALI INAYOTEMBEA

Na Salma Ngwilizi MAELEZO

HOSPITALI  ya Taifa ya Muhimbili(MNH)  iliyopo jijini Dares Salaam inatarajia kuanzisha huduma ya hospitali inayotembea  kwa kutumia gari maalum mara baada ya  kukakamilisha mchakato wa gharama za matibabu kupitia mfumo huo.

 Hayo yalisemwa leo Dkt.  Gimmy   Temba   kutoka Kitengo cha Dharura   cha  MNH  na  kwenye maadhimisho ya wiki ya Utumishi wa Umma yanayoendelea katika viwanja vya Mnazi Mmoja jijijni Dares Salaam.

 “ Tunamagari magari mawili ya hospitali inayotembea ambayo tunapata msaada kutoka nchi ya Japan yenye vifaa kisasa kwa ajili  uchunguzi wa  matibabu  ya dharura  wa mgonjwa ,” alisema.

Alisema hivi sasa wako katika mpango wa kuangalia namba maalum ambazo zitakuwa zinatumika  wakati mgonjwa anapokuwa akihitaji  huduma  hiyo.  Hivyo namba hizo zitakapo kuwa tayari   watazitangaza kwa wananchi  ili waweze kuzifahamu.  

 Aliongeza kuwamba magari ya hayo yako mawili nchi nzima na yatakuwa yanatoa huduma za matibabu kwa wagonjwa  wa dharura,  pia   wanatarajia kupata magari  mengine mawili .

 Alivitaja baadhi ya vifaa vilivyoko katika magari hayo kuwa ni mashine ya kuangalia mzunguko wa damu na hewa, kusukuma damu,kupumzisha ikiwemo ya kuondoa uchafu  mfano vile damu au mate.

TFDA: NUNUENI VIPODOZI KWENYE 

MADUKA SALAMA KUEPUKA MADHARA

Na Salma Ngwilizi-Maelezo

WANANCHI wametakiwa kuhakikisha  wananunua   bidhaa za vipodozi  kwenye maduka ambayo yamethibitishwa na Mamlaka ya chakula na Dawa (TFDA) ili kueweza kuepuka  madhara ya magonjwa  mbalimbali ikwemo saratani.

Hayo yamesemwa leo na Afisa Muelimishaji wa Mamlaka ya chakula na Dawa (TFDA) Bw.James Ndege kwenye maadhimisho wiki ya Utumishi wa Umma yanayoendelea viwanja vya Mnazi Mmoja.

“ Madhara ya vipodozi  vilivyopigwa marufuku ni makubwa kuliko watu wanavyofikiria sasa watu wanafikiri kwamba yale madhara wanaweza kuona kwa siku moja lakini kumbe yale madhara yanaendelea kujikusanya kila unapoendela kutumia kipodozi kilichopigwa marufuku alafu mwisho ikishafika ile hatua yale madhara kuweza  kuonekana ndo unaona mtu ameugua saratani anakwenda kwa daktari.”alisema Bw.Ndege.

 Aidha alisema kuwa matumizi ya vipodozi hivyo uingiza sumu ndani ya ngozi ya binadamu pia madhara yake ni pamoja na saratani ya ngozi,ini,figo kuharibika,kupatwa na aleji ya ngozi (mabakabaka) na kuweza kusababisha kuzaa mtoto mwenye utindio wa ubongo, vilevile inaweza kusababisha kupoteza kumbukumbu.

Ndege aliongeza kwamba  hivi sasa ili kuweza kuifanya jamii iweze kuepukana na matumizi ya vipodozi vilivyopigwa marufuku TFDA wameanza kutoa elimu kwa wanafunzi za msingi ili waweze kuelewa na kuelimisha jamii juu ya madhara hayo.