Ivory Coast kukabiliana na Mali

Gervinho

Ivory Coast itakabiliana na Mali katika mechi ya kundi D jumamosi usiku.

Katika mechi hiyo Ivory Coast itamkosa mshambuliaji wake Gervinho ambaye ni sharti ahudumie marufuku ya mechi mbili na atapatikana tena iwapo timu yake itafuzu katika mechi za robo fainali.

Seydou Doumbia anatarajiwa kuanza baada ya kutoka katika orodha ya wachezaji wa ziada dhidi ya Guinea.

Mali inayoongozwa na aliyekuwa mchezaji wa Barcelona Seydou Keita inataraji kufanya vyema dhidi ya Ivory Coast.