Boko Haram washambulia nje ya Maiduguri

Wapiganaji wa Boko Haram wameshambulia kijiji nje ya mji wa Maiduguri, kaskazini-mashariki mwa Nigeria.

Waliwapiga risasi raia na kuchoma moto majumba.

Inaarifiwa kuwa watu kama 15 waliuwawa katika shambulio hilo dhidi ya kijiji cha Kambari Alhamisi usiku.

Ghasia hizo zimetokea kabla ya ziara iliyopangwa kufanywa Maiduguri na Rais Goodluck Jonathan ambaye anatarajiwa huko kufanya kampeni ya uchaguzi.

Wakuu wa huko wamewaomba wakaazi wamuoneshe heshima rais baada ya maandamano dhidi yake ya hivi karibuni yaliyofanywa na watu wanaosema kuwa ameshindwa kuwalinda dhidi ya Boko Haram.

Mji wa Maiduguri umepokea maelfu ya wageni waliokimbia ghasia za wapiganaji hao Waislamu kaskazini-mashariki mwa Nigeria.