Dk. Shein awatunuku Shahada wahitimu wa Chuo Kiku cha Zanzibar (Suza) katika mahafali ya 10 Tunguu, Kusini Unguja

Rais wa Zanzibar na Mwenyekiti wa Baraza la Mapinduzi ambae pia Mkuu wa Chuo cha Taifa cha Zanzibar (Suza) Dk. Ali Mohamed Shein akisalimiana na Makamu Mkuu wa Chuo Profesa Idriss Ahmada Rai mara baada ya kuwasili  katika ya Kampasi ya Chuo Tunguu kufungua Mahfali ya 10 yaliyofanyika chuoni hapo leo Wilaya ya Kati Mkoa wa Kusini Unguja. (Picha zote na Ikulu)

Baadhi ya wanafunzi waliohitimu  mafunzo yao katika Chuo Kikuu cha Taifa cha Zanzibar (SUZA) wakiwa katika maandamano  ya mahafali ya 10 ya Chuo hicho yaliyofanyika leo Kampasi ya Tunguu Wilaya ya Kati Mkoa wa Kusini Unguja.

Baadhi ya walimu katika Chuo Kikuu cha Taifa cha Zanzibar (SUZA) wakiwa katika maandamano  katika mahfali ya 10 ya Chuo hicho yaliyofanyika leo kampasi ya Tunguu Wilaya ya Kati Mkoa wa Kusini Unguja mgeni rasmi akiwa Rais wa Zanzibar na Mwenyekiti wa Baraza la Mapinduzi ambae pia Mkuu wa Chuo cha Taifa cha Zanzibar (Suza) Dk.Ali Mohamed Shein.

Wajumbe wa Baraza la Chuo Kikuu cha Taifa cha Zanzibar (SUZA) wakiwa katika maandamano yaliyoandaliwa rasmi katika mahfali ya 10 ya Chuo hicho katika kampasi ya Tunguu Wilaya ya Kati Mkoa wa Kusini Unguja leo ambapo mgeni rasmi akiwa .Rais wa Zanzibar na Mwenyekiti wa Baraza la Mapinduzi ambae pia Mkuu wa Chuo cha Taifa cha Zanzibar (Suza) Dk. Ali Mohamed Shein.

Mwenyekiti wa Baraza la Chuo Kikuu cha Taifa cha Zanzibar (SUZA) Said Bakari Jecha (kushtoto) akifuatana na Viongozi akiwemo Mkuu wa Chuo na Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) wakati wa maandamano katika mahfali ya 10 ya Chuo Hicho yaliyofanyika leo katika Kampasi ya Tunguu Wilaya ya Kati Mkoa wa Kusini Unguja.

Rais wa Zanzibar na Mwenyekiti wa Baraza la Mapinduzi ambae pia Mkuu wa Chuo cha Taifa cha Zanzibar (Suza) Dk.Ali Mohamed Shein (kulia) alipoku wa akiteta na Makamu Mkuu wa Chuo Prof Idriss Ahmada Rai wakati wa maandamano katika mahfali ya 10 ya Chuo Hicho yaliyofanyika leo katika Kampasi ya Tunguu Wilaya ya Kati Mkoa wa Kusini Unguja.

Rais wa Zanzibar na Mwenyekiti wa Baraza la Mapinduzi ambae pia Mkuu wa Chuo cha Taifa cha Zanzibar (Suza) Dk.Ali Mohamed Shein (kushoto) Makamu Mkuu wa Chuo Prof Idriss Ahmada Rai,Waziri wa Elimu na mafunzo ya Amali Ali Juma Shamuhuna na Mkuu wa Mkoa wa Kusini Unguja Dk.Idriss Muslim Hija  wakisimama  wakati Wimbo wa Taifa Ukipigwa  katika mahfali ya 10 ya Chuo  yaliyofanyika leo katika Kampasi ya Tunguu Wilaya ya Kati Mkoa wa Kusini Unguja.

Baadhi ya wahitimu katika Mahfali ya 10 ya Chuo Kikuu cha Taifa cha Zanzibar (SUZA) waliotunukiwa  Stashahada ya Sayansi ya Kompyuta wakiwa katika viwanja vya Mahfali hayo katika kampasi ya Chuo Tunguu Wilaya ya Kati Mkoa wa Kusini Unguja   mgeni rasmi akiwa  Rais wa Zanzibar na Mwenyekiti wa Baraza la Mapinduzi Dk.Ali Mohamed Shein ambae pia Mkuu wa Chuo cha Taifa cha Zanzibar (SUZA) .

Wazee na watoto ambao wamefika katika viwanja vya mahafali ya 10 ya Chuo Kikuu cha Taifa cha Zanzibar (SUZA), wakishuhudia wahitimu wanaotunukiwa Vyeti, Stashahada na Shahada na Mkuu wa Chuo Kikuu cha Taifa cha Zanzibar (SUZA) leo, ambaye ni Rais wa Zanzibar na Mwenyekiti wa Baraza la Mapinduzi Dk. Ali Mohamed Shein (hayupo pichani) .

Viongozi waliohudhuria katika Mahafali ya 10 ya Chuo Kikuu cha Taifa cha Zanzibar (SUZA) yaliyofanyika leo katika Kampasi ya Chuo Tunguu Wilaya ya Kati Mkoa wa Kusini Unguja (kutoka kushoto), Waziri wa Nchi Ofisi ya Rais Ikulu na Utawala Bora Dk.Mwinyihaji Makame Mwadini,Katibu Mkuu Kiongozi Dk.Abdulhamid Yahya Mzee na Mkuu wa  Mkoa wa Mjini Magharibi Abdalla Mwinyi Khamis.

Rais wa Zanzibar na Mwenyekiti wa Baraza la Mapinduzi Dk.Ali Mohamed Shein ambae pia Mkuu wa Chuo cha Taifa cha Zanzibar (SUZA), alipokuwa akiwatunuku Vyeti,Stashahada na  Shahada  kwa wahitimu wa fani mbali mbali katika Mahfali ya 10 ya Chuo Kikuu cha Taifa cha Zanzibar (SUZA) yaliyofanyika leo katika Kampasi ya Chuo Tunguu Wilaya ya Kati Mkoa wa Kusini Unguja (kushoto) Makamu Mkuu wa chuo Prof Idriss Ahamada Rai.

Baadhi ya wahitimu wa Chuo hicho wakimskiliza Mkuu wa Chuo (hayupo pichani), baada ya kutunuku shahada zao.

Baadhi ya wahitimu wa Chuo hicho wakimskiliza Mkuu wa Chuo (hayupo pichani) baada ya kutunuku shahada zao.

Mkuu wa Chuo Kikuu cha Taifa cha Zanzibar Dkt. Ali Mohamed Shein akiwatunuku shahada wahitimu wa Chuo hicho katika mahafali ya 10 yaliyo fanyika Tunguu Mkoa wa Kusini Unguja.

Mwanafunzi bora wa mahafali ya 10 Chuoni hapo Najat Zahor Said akipokea zawadi kutoka kwa Mkuu wa Chuo hicho Dkt.  Ali Mohamed Shein.

Mwanafunzi bora Najat Zahor Said ambaye amehitimu Shahada ya Sayansi na Elimu akipongezwa na mmoja wa wageni walikwa kwa kushinda nafasi ya kwanza kati ya wanafunzi 741 walio hitimu masomo yao mwaka huu.

Mkuu wa Chuo Kikuu cha Taifa cha Zanzibar (SUZA) Dkt. Ali Mohamed Shein akiwahutubia wahitimu na wageni walikwa katika Sherehe za Mahafali ya 10 ya Chuo hicho. (Picha na Makame Mshenga-Maelezo Zanzibar)

Rais wa Zanzibar na Mwenyekiti wa Baraza la Mapinduzi ambae pia ni Mkuu wa Chuo Kikuu cha Taifa cha Zanzibar (SUZA)  Dkt. Ali Mohamed Shein akiambatana na Makamu Mkuu wa Chuo hicho Prof. Idriss Ahmad Rai wakingia katika uwanja wa mahafali ya 10 ya Chuo hicho. Kampasi ya Tunguu Mkoa Kusini Unguja.

Dk. Shein: Tafiti Vyuo Vikuu zilenge kuleta ufanisi, utekelezaji wa mipango ya maendeleo ya nchi
Na Said Ameir, Zanzibar

RAIS wa Zanzibar na Mwenyekiti wa Baraza la Mapinduzi Dk. Ali Mohamed Shein amesema kuwa utanuzi wa mitaala, ufundishaji na ufanyaji wa tafiti katika vyuo vikuu hauna budi kuelekezwa katika  kufatuta njia na mbinu za kusaidia kuleta ufanisi katika utekelezaji wa mipango ya maendeleo ya nchi.

Akizungumza katika mahafali ya kumi ya chuo Kikuu cha Taifa cha Zanzibar (SUZA) leo, Dk. Shein amebainisha kuwa lengo la vyuo vikuu hasa vya umma ni kutoa taaluma inayosadia kusukuma gurudumu la maendeleo ya nchi hivyo shughuli za vyuo hivyo ni lazima zijielekezwe katika kufanikisha jukumu hilo la kitaifa.

Kwa hivyo alisisitiza kuwa tafiti katika vyuo hivyo hazina budi zijikite katika kutafuta majibu ya changamoto za maendeleo katika nchi badala ya kuwa ni njia tu ya kujijengea sifa za kitaaluma kwa watafiti hao bila ya kujali faida ya tafiti hizo kwa jamii.

Sambamba na kufanya tafiti Dk. Shein aliongeza kuwa ili tafiti hizo ziweze kuwa na faida kwa taifa ni lazima kuhakikisha kuwa “matokeo ya tafiti hizo yanafikishwa kwa watafiti mbalimbali watakaoyatumia matokeo hayo na kuyafanyia kazi”.

Katika mnasaba huo ameupongeza uongozi wa SUZA kwa kubainisha maeneo maalum ya kipaumbele katika taaluma na utafiti ambayo yamezingatia mipango ya maendeleo ya nchi na mahitaji ya jamii.

“hili ni jambo muhimu kwani kutokana na rasilimali chache tulizonazo hatuwezi kufanya kila kitu, jambo la busara ni kutafuta maeneo muhimu na tukaweka nguvu zetu katika maeneo hayo” alieleza Dk. Shein.

Katika hotuba yake hiyo kwa wahitimu hao, Dk. Shein alisisitiza tena dhamira ya serikali ya kuendelea kuunga mkono shughuli za utafiti ikiwa ni pamoja na kuongeza bajeti kila hali ya uchumi inaporuhusu.

Alitumia fursa hiyo kuupongeza uongozi wa chuo kwa mafanikio iliyopata katika miaka kumi tangu kianze kutoa wahitimu.

“Ni jambo la kujivunia hatua kubwa chuo hiki iliyofikia tangu kuanzishwa kwake na kasi ya upanuzi wake katika kufikia azma ya serikali ya kupata wataalamu wa kutosha kwa nchi yetu” Dk. Shein alisema.

Alifafanua kuwa kutoka wahitimu 53 mwaka 2003 kwa programu moja hadi wahitimu 714 kwa programu 12 ni hatua nzuri ya maendeleo ya chuo na kielelezo cha kazi nzuri inayofanywa na uongozi wa chuo hcho.

Dk. Shein ambaye ni Mkuu wa Chuo hicho alisifu uamuzi wa uongozi wa chuo kuanzisha programu mbili mpya za Stashahada ya Ualimu katika Elimu Mjumuisho na Stashahada ya Elimu ya Michezo.

“Nimevutiwa sana na kuanzisha stashahada ya Elimu ya Michezo na hii inaunga mkono agizo langu la kutaka kurejeshwa kwa vuguvugu la michezo katika skuli kuanzia msingi hado vyuoni ili kurejesha heshima ya Zanzibar katika michezo”Dk. Shein alibainisha.

Akizungumza katika mahafali hayo ambapo jumla ya wahitimu 714 walikabidhiwa vyeti, stashahada na shahada, Mwenyekiti wa Baraza la Chuo Said Bakari Jecha alisema katika kukabiliana na changamoto za uendeshaji wa chuo, uongozi umekuwa ukitafuta ufadhili kwa njia ya kuandika miradi kuimarisha chuo ambapo kwa sasa chuo kinaendesha miradi 42  iliyo na thamnai ta dola za kimarekani mil 8.4.

Aliwashukuru wafadhili mbali mbali wa ndani na nje ya nchi kwa misaada hiyo ambayo inachangia kufanikisha utekelezaji wa malengo ya mpangokazi wa chuo.

Alitumia fursa hiyo kuishukuru serikali kwa kuimarisha maslahi  ya watumishi wa chuo hicho lakini akaongeza kuwa bado jitihada zaidi zinahitaji kufanyika katika eneo hilo kwa kuwa maslahi hayo hasa ya wahadhiri bado ni madogo ikilinganishwa na wenzao Tanzanzia Bara na nchi jirani.

Wakati huo huo Makamu Mkuu wa Chuo hicho Profesa Idris Rai, alieleza hatua mbali mbali zilizofikiwa na chuo hicho tangu kuanzishwa kwake mwaka 2001 ambapo kilianza na wanafunzi 53 tu.

Alieleza kuwa mahafali ya kumi ni tukio la kipekee kwa kuwa yanadhihirisha jitihada kubwa ambazo zimekuwa zikifanyika kukijenga na kukiimarisha chuo hicho ambacho lengo ni kukianya kuwa chuo bora katika ukanda huu wa Afrika.

Katika maadhimisho haya ya miaka kumi chuo hicho imetoa kitabu maalum inachoonesha maendeleo ya chuo hicho hattua kwa hatua kutoka kuwa na programu moja mwaka 2001 hadi programu 12 mwaka 2014.