Mkuu wa Mkoa wa Kusini Pemba afanyiwa tafrija ya kuagwa na wafanyakazi wa Ofisi yake

 MKUU mpya wa Mkoa wa Kusini Pemba, Mhe. Mwanajuma Majid Abdalla, akipokea zawadi kutoka kwa waliokuwa wafanyakazi wa Ofisi yake ya Wilaya ya Chake Chake, kabla ya kuteuliwa kuwa Mkuu wa Mkoa wa Kusini Pemba. Katikati ni Mkuu mpya wa wilaya hiyo, Mhe. Hanuna Ibrahim Massoud. (Picha zote na Abdi Suleiman, PEMBA.)

MKUU mpya wa Mkoa wa Kusini Pemba, Mhe. Mwanajuma Majid Abdalla, akipokea zawadi kutoka kwa waliokuwa wafanyakazi wa Ofisi yake ya Wilaya ya Chake Chake, kabla ya kuteuliwa kuwa Mkuu wa Mkoa wa Kusini Pemba. Katikati ni Mkuu mpya wa wilaya hiyo, Mhe. Hanuna Ibrahim Massoud.(Picha na Abdi Suleiman, PEMBA)

 MKUU mpya wa Mkoa wa kusini Pemba, Mhe:Mwanajuma Majid Abdalla akipokea zawadi kutoka kwa waliokuwa wafanyakazi wake wa Wilaya ya  Chake Chake, kabla ya kuteuliwa kuwa mkuu wa mkoa wa kusini Pemba .(Picha na Abdi Suleiman, PEMBA.)

MKUU wa Mkoa mpya wa Kusini Pemba, Mhe:Mwanajuma Majid Abdalla,akivishwa shada la asumini na vijana maalumu, mara baada ya kuwasili katika ofisi yake ya zamani ya Wilaya, kwa lengo la kumkabidhi mkuu mpya wa wilaya ya Chake Chake Mhe: Hanuna Ibarahim Massoud.(Picha na Abdi Suleiman, PEMBA)

Na Benedict Liwenga, Maelezo-Dodoma.

26/08/2014.

UMOJA wa Machifu wa Tanzania (UMT) kupitia wawakilishi wake, jana 26 Agosti, 2014 umewasilisha nyongeza ya mapendekezo yake kuhusu Rasimu ya Katiba Mpya kwa Makamu Mwenyekiti wa Bunge Maalum la Katiba, Mhe. Samia Suluhu Hassan.

Akiuwakilisha Umoja wa Machifu Tanzani (UMT), Chifu kutoka Magu John Nyanza amemueleza Makamu Mwenyekiti wa Bunge Maalum la Katiba kuwa wanaishauri Serikali kutayarisha mkakati wa Kitaifa wa Utamaduni kwa kuwashirikisha wadau wakuu wa masuala ya Utamaduni ili mpango mkakati huo uwe na Dira ya Utamaduni itakayobainisha cha kufanya ili kujenga, kuhamasisha na kuendeleza Utamduni katika maeneo yote nchini.

“Chifu kutoka Magu, John Nyanza amesema kuwa lengo la kuwasilisha mapendekezo hayo kwaajili ya kusisitiza masuala mazuri ya Utamduni kuendelea ili kuweza kudumisha madili kwa nia nzuri ya kudumisha amni na ushirikiano”. Alisema Chifu Nyanza.

Naye Chifu kutoka Ntuzu, Bariadi Chifu Agnes Ndaturu ameeleza kuwa mapendekezo yao yatasaidia kuweza kuwatambua waganga wa Jadi ambapo hapo zamani , mganga wa Jadi alikuwa anatambulika na kufanya kazi katika eneo husika analotoka, lakini hivi sasa waganga wengi wa jadi wamekuwa na tabia ya kufanya kazi zao bila mipaka.

 ”Mapendekezo haya yatasaidia viongozi wa waganga wa jadi nchini kuwatambua wale waganga wanaokiuka maadili ya shughuli zao mfano mauaji ya Albino, kwakuwa kila kiongozi atakuwa anawatambua waganga wa eneo lake husika”. Alisema Chifu Ndaturu.

Aidha, Machifu hao wameongeza kuwa, Wajumbe wenzao waliowatuma kuwawakilisha wanasisitiza juu ya umuhimu wa Utamaduni kupewa nafasi rasmi katika Katiba mpya na Serikali ili pawepo na kipaumbele katika utekelezaji wake nchini.

Wakizungumza kwa kauli moja Umoja wa Machifu wa Tanzania wamesema kuwa suala la Utamaduni katika Rasimu ya Pili ya Katiba lifanyiwe marekebisho kwa kuzingatia mapendekezo yaliyoibainishwa huku msisitizo wao ukiwa katika Katiba kueleza wazi kuwa sera na Sheria mpya zitakazotungwa  zihakikishe kuwa Tume ya Taifa ya Utamaduni inaanzishwa kisheria ili kusimamia masuala ya Utamaduni.

Naye Makamu Mwenyekiti wa Bunge Maalum la Katiba, Mhe. Samia Suluhu Hassan amewatotoa wasiwasi wawakilishi wa Umoja wa Machifu hao wa Tanzania aliokutana nao kwa kuwaeleza kuwa atayawasilisha katika Uongozi wa Kamati ya Bunge ambapo Kamati Ndogo ya Uongozi inatarajiwa kukutana leo jioni ili kuweza kuyajadili.

“Nimeyapokea mapendekezo yenu, kwakuwa Kamati zinaendelea na kazi ambapo wiki hii kamati zitakuwa zimemaliza kazi zake na hakutakuwa na nafasi tena ya kuyapokea mapendekezo na maoni mengine”. Alisema Samia.

Hivi karibuni, makundi mbalimbali yaliwasilisha mapendekezo yao ambapo baadhi ya makundi hayo yakiwemo Wafugaji, Wasanii na Wanahabari yaliwasilisha.