Kongamano la wanafunzi wa kike wa Vyuo Vikuu Dodoma

*Wasichana wasomi wa Vyuo Vikuu watakiwa kujiepusha na uhuni wa kingono 

Baadhi ya wanafunzi wa chuo Kikuu cha Dodoma (UDOM), wakimsubiri mke wa Rais, Mama Salma Kikwete aliyekuwa amefika chuoni hapo kuhudhuria Kongamano la wanavyuo wanawake lililofanyika mwishoni mwa wiki hii.

Mke wa Rais wa Tanzania Salma Kikwete akipanda mti nje ya jengo la Utawala la Chuo Kikuu cha Dodoma (UDOM), alipokwenda kuzindua kongamano la wanafunzi wa kike lililofanyika jana.

Mke wa Rais, Mama Salma Kikwete akilisakata Rhumba pamoja na wanafunzi wa kike wa Vyuo Vikuu, waliokutana kwa ajili ya kongamano lililofanyika katika ukumbi wa Chimwaga, uliopo katika Chuo Kikuku cha Dodoma (UDOM), mjini Dodoma jana.

Waziri wa Ardhi, Nyumba na Maendeleo ya Makazi, Profesa Anna Tibaijuka (kulia), akiongea na mke wa Rais, Salma Kikwete mara baada ya kuwasili katika ukumbi wa Chimwaga kwenye kongamano la wanafunzi wa wakike wa Vyuo Vikuu, mjini Dodoma jana. (Picha zote na John Banda)

Na John Banda, Dodoma
WASICHANA wasomi wa Vyuo Vikuu wametakiwa kujiepusha na uhuni wa kingono na badala yake wazingatie malengo yaliyowapeleka masomoni ili kuepuka kuzitia hasara familia zao na taifa kwa ujumla.

Haya yalisemwa na Mke wa Rais Jakaya Kikwete, Salma Kikwete alipokuwa azindua Kongamano la wanafunzi wasichana wa Vyuo vikuu lilofanyika Chuo kikuu cha Dodoma (UDOM) jana. 
 
Salma alisema kumekuwa na tabia ya wasichana wa vyuo vya elimu ya juu kuwa na wanaume watatu kwa wakati mmoja ambao wao huwaita moja wa pamba yaani mavazi, mwengine ni wa kumsaidia darasani kimasomo na mwingine wa ukweli yaani anayempenda huku wakijidanganya kuwachuna na kumbe wanachunwa wao kutokana na kila mtu kuwa na nguvu yake wakati wa tendo.

Salma alisema wasichana hao wanatakiwa kujua wapo masomoni kwa malengo maarumu ya kuzisaidia familia, jamii zinazowazunguka na taifa kwa ujumla mara baada ya kumaliza masomo yao hivyo wanatakiwa kujiepusha na starehe zisizo maana zinazotokana na kujirahsisha.

Mke huyo wa Rais mwenye fani ya ualimu aliwataka wasichana hao kuhakikisha wanajitambua kama ni wanawake wenye maumbile tofauti na wanaume  na hivyo kuhakikisha wanaiweka miili yao kuwa katika uthamini mara baada ya kuvunja ungo kinyume cha hapo ni mimba na magonjwa ya ngono.

Aliwafananisha wasichana na madini aina ya Lulu yanayopatikana ndani ya samaki chaza anaishi miambani kwenye kina kirefu cha bahari na hivyo kutokana na ugumu wa upatikananaji kwake mara nyingi ilikuwa ikitumiwa na wake wa wafalme  pekee.

''Wasichana zitunzeni Lulu zenu kwaajili ya manufaa yenu ya baadaye, acheni tabia za  kujihusisha na ngono, ni lazima mjuae kwamba familia zimejifunga mkanda kukusomesheni ili mje kuzisaidia, hivyo wanaume mliokutana nao vyuoni mjue kabisa sio hao watakao kuwa wenzi wenu katika maisha, wanawapotezea muda wa masomo bure'', alisema

Aidha Mama Kikwete Aliwaambia wasomi hao wa kike wa vyuo vikuu kuwa wanatakiwa kuwa na tabia njema ambayo itawafanya wapate mafanikio katika kila Nyanja watakazopitia na hatimae kuwa viongozi wazuri wa familia na taifa hili.

Mama Salma alizindua Kongamano hilo, lililoandaliwa na Wanafunzi wa Chuo Kikuu cha Dodoma (UDOM), ambalo lilivikutanisha Vyuo Vikuu vya Serikali za Mitaa, Madini, Mtakatifu Yohana, CBE na Mzumbe, ambao walikuwepo Dodoma kutembelea Bunge la bajeti na wiki ijayo anatarajia kuzindua mpango wa upimaji na matibabu ya salatani ya shingo ya uzazi kwa wanawake Wilayani Bahi kesho.