Bondia Iddy Mkwera amgaragaza Lucas Ndula Muheza Tanga

Bondia Iddy Mkwera akinyooshwa mkono juu baada ya kumgalagaza Lucas Ndula wakati wa mpambano wa mabondia wa Dar na Muheza Mkwera alishinda kwa pointi mpambano hou wa raundi sita uliotayarishwa kwa ajili ya kuinua mchezo wa ngumi wilayani Muheza na kusherekea Siku kuu ya Pasaka (Picha zote na Super D, Mnyamwezi)

Bondia Iddy Mkwera wa Dar es Salaam (kushoto), akimshambulia vikali mpinzani wake Lucas Ndula wakati wa mchezo wao uliofanyika katika Uwanja wa Jitegemee, Muheza mkoani Tanga leo. Katika mpambano huo, Mkwera ameshinda kwa pointi.

Kocha wa Kimataifa wa mchezo wa masumbwi nchini, Rajabu Mhamila 'Super D' akiwa na mabondia wake walipotua wilayani Muheza, mkoani Tanga kwa ajili ya kwenda kuhamasisha mchezo wa masumbwi. Katikati ni Iddy Nkwera na Martin Richard wote kutoka Dar es Salaam.

Kocha wa mchezo wa ngumi wa Kimataifa, Rajabu Mhamila 'Super D' (wa tatu kushoto), akiwa na mabondia Iddy Mkwera na Martn Richard baada ya kushuka katika gari kwa ajili ya kuhamasisha mchezo wa masumbwi Wilaya ya Muheza, mkoani Tanga, wakati wa Siku kuu ya Pasaka, wakiwa na wapenzi wa mchezo huo katika Stend Kuu ya mabasi jana.

Mabondia walio shiriki katika mpambano huo, wakiwa katika picha ya pamoja.

Kocha wa mchezo wa Masumbwi Wilaya ya Muheza, Charles Mhilu 'Spinks', akiwa na mgeni rasmi ambaye amefanikisha kuandaa mpambano huo, Allan Augostino, wakisalimiana na mabondia kutoka Dar.

Kocha wa Kimataifa wa mchezo wa masumbwi nchini, Rajabu Mhamila 'Super D' (wa tatu kulia), akiwa na baadhi ya mabondia waliocheza ngumi katika Uwanja wa Jitegemee, Muheza, mkoani leo.

Mabondia wakiwa na Kocha wa Kimataifa wa mchezo wa masumbwi nchini, Rajab Mhamila 'Super D' Mnyamwezi.

Mabondia wa Kutoka Muheza wakionesha shoo ya masumbwi wakati wa kusherekea Siku kuu ya Pasaka katika Viwanja vya Jitegemee Muheza.

Mabondia kutoka Muheza wakionesha shoo ya masumbwi wakati wa kusherekea Siku kuu ya Pasaka katika Viwanja vya Jitegemee Muheza, Tanga.

Bondia George Allen akinyooshwa mkono juu baada ya kushinda mpambano huo.

Bondia Lucas Ndula wa Muheza (kushoto), akioneshana uwezo wa kutupiana masumbwi na Iddy Mkwera wa Dar es Salaam katika Uwanja wa Jitegemee, Muheza, mkoani Tanga, wakati wa Siku kuu ya Pasaka.

Baadhi ya mashabiki waliojitokeza katika mpambano huo, wakifurahia matukio ya kurushiana ngumi kati ya mabondia hao.

Bondia Lucas Ndula wa Muheza (kushoto), akioneshana uwezo wa kutupiana masumbwi na Iddy Mkwera wa Dar es Salaam katika mpambano ulipiganwa Uwanja wa Jitegemee, Muheza mkoani Tanga, wakati wa Siku kuu ya Pasaka. Mkwera alishinda mpambano huo.

Bondia Iddy Mkwera akinyooshwa mkono juu baada ya kumgaragaza Lucas Ndula, wakati wa mpambano wa mabondia wa Dar na Muheza. Mkwera alishinda kwa pointi mpambano hou wa raundi sita, uliotayarishwa kwa ajili ya kuinua mchezo wa ngumi, wilayani Muheza na pia kusherekea Sikukuu ya Pasaka. Na Mwandishi Wetu BONDIA Iddy Mkwera wa Dar es Salaam, ameibuka mshindi baada ya kumgaragaza bondia Lucass Ndula wa Muheza wakati wa mpambano wa kuhamasisha masumbwi, wilayani Muheza uliochezwa wakati wa Siku kuu ya Pasaka katika Uwanja wa Jitegemee, mkoani Tanga. Mpambano ulioanza kwa Ndula kuanza kwa kasi na kushangiliwa na wapenzi wengi katika raundi ya kwanza na ya pili upepo ulianza kumbadilikia, raundi ya tatu baada ya kukata pumzi huku akitupa ngumi bila mpangilio, wakati Mkwera akipanga mashambulizi na kupiga ngumi kali na za kushitukiza zilizo mfanya Ndula kutulia. Raundi ya tano, ilikuwa ni mfululizo wa makonde yaliyorushwa na Mkwera katika  kumuadhibu Ndula na ilipofika raundi ya sita na ya mwisho wa mchenzo huo, Ndula alipigwa upercut, ambayo ilimchanganya na kufanya kuwa nje ya mchezo kwa kushika magoti. Bondia huyo aliokolewa na kengele iliyoashiria kumaliza mpambano huo wa raundi sita na kufanya Iddy Mkwera kuibuka na ushindi wa point akipeperusha vema bendera ya Dar es Salaam katika wilaya ya Muheza, mkoani Tanga.  Mfadhili wa mpambano huo, ambaye aliwezesha kufanikisha kila kitu kinachohitaji katika mpambano huo, ikiwemo kupeleka mabondia kutoka Dar pamoja na ulingo uliotumika, maalumu kwa ajili ya masumbwi, Allan Augostino ameahidi kurudia kufanya onesho hilo, la wazi katika Viwanja hivyo hivyo vya Jitegemee, Muheza mkoani Tanga, wakati wa Siku kuu ya Iddi na kuwataka wapenzi kujitokeza kwa wingi katika mpambano huo ujao. Mpambano huo, uliofanyika katika Viwanja vya wazi vya Jitegemee, uliwavuta wapenzi wengi, wakiwemo watoto, vijana na wazee na kujitokeza kwa wingi kuangalia mchezo huo.