Mama Salma Kikwete awa mgeni rasmi hafla ya kuchangia Wanawake wenye matatizo ya Afya, kiasi cha sh. mil. 142 zapatikana

Mkurugenzi Mtendaji wa Kampuni ya Montage, waandaaji wa hafla ya kuchangia wanawake wenye matatizo ya Afya, Teddy Mapunda (kushoto), akimpa zawadi ya heshima, mgeni rasmi katika hafla hiyo, mke wa Rais, Mama Salma Kikwete, mara baada ya kuifanikisha vyema tafrija hiyo maalum, kupitia mfuko wa Montage Charity Ball, hafla iliyofanyika jana jioni, kwenye Hoteli ya Serena, jijini Dar es Salaam. Aidha katika tafrija hiyo, iliyofana sana kiasi cha shilingi milioni 142 na laki tano zilipatikana.

 

Mkurugenzi Mtendaji wa Kampuni ya Montage, Teddy Mapunda (kushoto), akizungumza machache mbele ya meza kuu kabla ya kumpa zawadi ya heshima mgeni rasmi, mke wa Rais, Mama Salma Kikwete, mara baada ya kuifanikisha vyema tafrija hiyo, maalum ya harambee ya kuchangisha fedha kwa ajili ya kusaidia wanawake wenye matatizo ya afya hapa nchini, kupitia mfuko wa Montage Charity Ball, iliyofanyika jana jioni, Hoteli ya Serena, jijini Dar es Salaam. Aidha, katika tafrija hiyo, iliyofana sana, kiasi cha sh. milioni 142 na laki tano zimepatikana. Kulia ni Mke wa Makamu wa Rais, Mama Asha Bilal.

Mgeni Rasmi, mke wa Rais, Mama Salma Kikwete akimkabidhi, aliyekuwa Balozi wa Marekani nchini, Charles Stith cheti chake cha heshima, mara baada ya kuchangia $ 10,000, kwenye hafla ya kukusanya kiasi cha fedha zaidi ya shilingi milioni 100, kwa ajili ya kusaidia matibabu ya wanawake wenye matatizo mbalimbali ya kiafya. Anayeshuhudia kulia ni mke wa Makamu wa Rais, Mama Asha Bilal. Aidha katika tafrija hiyo, iliyofana sana, kiasi cha sh. milioni 142 na laki tano, zimepatikana, ndani ya Hoteli ya Serena, jijini Dar.

 Mke wa Makamu wa Rais, Mama Asha Bilal (kulia), akizungumza machache, ambaye naye pia alichangia kiasi cha sh. milioni 2 katika hafla hiyo.

Mke wa Rais, Mama Salma Kikwete, wakipeana mkono wa pongezi na mke wa Makamu wa Rais, Mama Asha Bilal, kwa kuchangia mfuko huo.

Mke wa Rais, Mama Salma Kikwete, wakipeana mkono wa pongezi na kumkabidhi cheti cha heshima mke wa Makamu wa Rais, Mama Asha Bilal kwa kuchangia kwake katika hafla hiyo.

Mgeni Rasmi, mke wa Rais, Mama Salma Kikwete, akimkabidhi cheti cha heshim, mmoja wa watangazaji wa kipindi cha Powerbreakfast kutoka Clouds FM, Said Bonge, a.k.a Bonge Barabarani, ambaye pia alichangia kiasi cha shilingi laki tisa.

Makofi ya pongezi na shukurani kwa Bonge Barabarani yakipigwa.

Mama Salma Kikwete, akimkabidhi mmoja wa wakilishi wa Kampuni ya Ndege ya Flight Link, cheti chake cha heshima, mara baada ya kuchangia kiasi cha fedha kwenye hafla hiyo.

Mama Salma Kikwete, akimkabidhi cheti cha heshima, Meneja Mahusiano wa PPF, Lulu Mengele, mara baada ya kuchangia kiasi cha fedha kwenye hafla hiyo. Kulia kwake akishuhudia ni mke wa Makamu wa Rais, Mama Asha Bilal.

 Mgeni Rasmi, mke wa Rais, Mama Salma Kikwete, akizungumza machache mbele ya wageni waalikwa (hawapo pichani), mara baada ya kuifanikisha hafla hiyo kwa kiasi kikubwa.

 

Mmoja wa Waratibu wa hafla ya Montage Charity Ball, Barbra Hassan, akiwakaribisha baadhi ya viongozi mbalimbali wa Kiserikali, Mabalozi na wageni waalikwa, waliofika kwenye hafla hiyo, ndani ya Hotel ya Serena jijini Dar es Salaam jana jioni.

Baadhi ya wageni wakiwa katika hafla hiyo, Hoteli ya Serena (Movenpick), jana jioni.

 

Baadhi ya wageni wakiwa katika hafla hiyo, Hoteli ya Serena (Movenpick), jana jioni, wakifuatilia matukio mbalimbali yaliyokuwa yakitendeka ukumbini humo.

Kundi la Kalunde Band, likitumbuiza jukwaani katika hafla hiyo.

Msanii wa muziki wa kizazi kipya, Barnaba akipewa kampani na baadhi ya wanamuziki wenzake, jukwaani, wakati alipokuwa akitumbuiza mbele ya wageni waalikwa (hawapo pichani), ndani ya Hotel ya Serena jijini Dar.

Baadhi ya Wafanyakazi wa Kampuni ya bia ya Serengeti, wakiongozwa na Mkurugenzi Mtendaji wao (wa tatu kulia), Steve Gannon, wakiwa katika picha ya pamoja. Aidha Kampuni hiyo, pamoja na kudhamini hafla hiyo, pia ilichangia kiasi cha sh. milioni tano.

Baadhi ya magauni yaliyokuwa yakioneshwa na warembo hawa, yakiwa kwenye mnada kwa staili ya kipekee kabisa, kama inavyoonekana warembo wakipita mbele ya meza kuu kuonesha magauni hayo. (Picha zote kwa hisani ya Michuzi jr)