Serikali kuwabana wanaoficha fedha nje ya nchi - Waziri Mgimwa



Waziri wa  Fedha, Dk. Wiliam Mgimwa akifungua mafunzo ya wajasiriamali leo, yaliyoandaliwa na Mbunge wa viti maalum Mkoa wa Iringa (CCM), Ritta Kabati.



Baadhi ya wawakilishi wa vikundi wakisikiliza mafunzo ya ujasiriamali katika ukumbi wa Hallfare.



Waziri wa Fedha, Dk. William Mgimwa, akimkabidhi Mbunge wa Viti maalum (CCM), Ritta Kabati kiasi cha sh. milioni 1 kwa ajili ya kuchangia vikundi vya ujasiriamali mkoani humo. (Picha zote na Denis Mlowe)

Na francisgodwin.blogspot, Denis Mlowe

Iringa, 17/12/2012 

WAZIRI wa fedha na uchumi, Dk. Wiliam Mgimwa ametangaza vita kali kwa mafisadi wanaoficha fedha katika mabenki ya nje ya nchi.

Waziri Mgimwa, ameyasema hayo leo, wakati akizungumza na waandishi wa mkoani Iringa mara baada ya kufungua mafunzo ya ujasiriamali kwa vikundi 29 vilivyoko mkoani hapa vinavyofadhiliwa na Mbunge wa viti maalum kupitia chama cha mapinduzi (CCM), Mkoa wa Iringa Ritta Kabati .

"Serikali itawashughulikia watu wote wanaoweka fedha nje ya nchi kwa njia haramu .... inafatilia kwa karibu sana wale walioweka fedha hizo nje ya kwa nchi kwa kuwasiliana na nchi zinazosemekana mafisadi wanaweka fedha hizo na haina hofu na kundi au mtu wanaosemekana wanaweka fedha katika mabenki ya nje ya nchi"

Alisema kuwa dawa ya watu hao wanaoficha fedha nje ya nchi ipo jikoni na kusema kuwa serikali haitalala katika kuwashughulikia watu hao wa kuchukua hatua zaidi.

Hatua hiyo ya Waziri wa  Fedha kutangaza uamuzi huo imekuja huku zikiwa zimepita siku chache toka naibu Katibu Mkuu chama cha Demokrasia na maendeleo (Chadema), Zitto Kabwe kutaka Serikali kuwabana wale wote wanaoficha fedha nje ya nchi na kutaka fedha hizo kurejeshwa nchini.

Awali akifungua mafunzo hayo ya ujasiriamali katika ukumbi wa Orofea mjini Iringa, Dk. Mgimwa mbali ya kuchangia kiasi cha shilingi milioni 1 kwa ajili ya kuwasaidia wajasiriamali hao pia aliwataka wajasiriamali mkoani Iringa kutumia mafunzo hayo katika kujiongezea kipato .

Kwa upande wake mbunge Kabati alisema kuwa mafunzo hayo ni moja kati ya ahadi zake kwa wajasiriamali mkoani Iringa na kuwa lengo ni kuendelea kutekeleza ahadi zake zaidi .

Alisema kuwa mafunzo hayo yanatolewa na taasisi ya ujasiriamali ya Decision Foundation ya kutoka Dar es Salaam .

Hata hivyo Kabati alisema kuwa kuwa Serikali ya CCM imeendelea kuonyesha mfano katika uwajibikaji kwa wananchi wake na kuwa lengo ni kuona wanaendelea kuwa na imani ya CCM na serikali yake .

"Ndugu zangu wananchi mbali ya mafunzo haya nimeendelea kuwa jirani na wananchi wangu wa jimbo la Iringa mjini kwa kuwawezesha vijana na kuanzisha vikundi vya benki za wananchi mitaani (VICOBA) pamoja na kuwasaidia watu wenye makundi mbali mbali na sitachoka kufanya hivyo.