Wenger: Wachezaji wa Uingereza ni 'mabingwa' wa kujiangusha uwanjani

Image captionArsene Wenger alalama huu ni mchezo mchafu

Kocha wa klabu ya Arsenal, Arsene Wenger amelalamika kwamba wachezaji wa Uingereza wamekuwa na tabia ya kujirusha na kutengeneza adhabu. Amesema mchezaji wa Tottenham Dele Alli alifanya kitendo hicho kwenye mchezo wa jumapili huko Liverpool na kusababisha mwamuzi kutoa adhabu ya penalti.

Mchezaji mwingine ambaye anatuhumiwa kufanya kitendo hicho ni Harry Kane, alifanya hivyo kwa mchezaji Virgil van Dijk wa Liverpool na kusababisha mpira wa adhabu

• Arsene Wenger: Ligi 'tano bora' Ulaya zinaharibiwa
• Wenger athibitisha Arsenal wanamtafuta Pierre-Emerick Aubameyang
• Arsene Wenger adaiwa 'kuikosea heshima' Dortmund kuhusu Aubameyang

Wenger amesisitiza kwamba anakumbuka kumekuwa na kesi za wachezaji kutoka nje ya Uingereza, lakini wachezaji wa Uingereza sasa wameiga tabia hiyo na wamekuwa vinara wa matukio hayo kuliko wachezaji wengine.